Министерството за информатичко општество и администрација одржа дводневна работилница на 7-8 април 2022 година за постигнување консензус за само-проценка, со поддршка на РеСПА.
Целите на повторна имплементација на ЦАФ моделот се натамошно подобрување на квалитетот на работењето на Министерството, како внатрешно од организационен аспект, така и од аспект на услугите кои се нудат кон крајните корисници.
Моделот се препознава како процес на континуирано подобрување, кој е комплементарен на целосниот систем за управување со квалитет во Министерството.
Раководителите на ЦАФ програмата, ЦАФ тимот и групата за само-проценка формирани во рамки на МИОА, со поддршка на Регионалниот центар за управување со квалитет на РеСПА, експертот за управување со квалитет Томас Пророк и локалниот експерт за управување со квалитет Мартин Тодевски работеа интензивно на унапредување на добиените одговори на подкритериумите од претходно дистрибуираниот прашалник до групата за само-проценка формирана во рамки на МИОА.
Точно и концизно, преку работа во групи и дискусија се детектираа слабостите и областите каде е потребно подобрување на квалитетот на работа на Министерството.
МИОА како координатор на процесот на управување со квалитет продолжува посветено да работи на подобрување на услугите кон граѓаните и бизнисите.